E-LIBRARY TELANGANA

05 September 2024

ఉపాధ్యాయ దినోత్సవ శుభాకాంక్షలు

........ గురువులు..........

చడీ చప్పుడు కాకుండా

మట్టిలో మాణిక్యాలను

వెలికి తీస్తున్నారు వాళ్ళు

చదువుల సామ్రాజ్యంలో

తళుక్కున మెరిసే వజ్రాలకు

సాన పడుతున్నారు వాళ్ళు

గొంగళి పురుగులకు రంగులద్ది

సీతాకోకచిలుకలను

పైకెగరేస్తారు వాళ్ళు

ఎగరలేక ఎగురుతూ

తటపటాయిస్తున్న పక్షులకు

నిచ్చెనై పైకెక్కిస్తారు వాళ్ళు

సందడి చేయని సరిగమలకు

ప్రాణమై సరాగాలను

నేర్పే పనిలో ఉన్నారు వాళ్ళు

రాతి బసవన్నలను

ఉలితో తీర్చిదిద్దుతూ

శిల్పాలుగా మార్చుతున్నారు వాళ్ళు

నదిలా సాగే జీవనగమనంలో

దిక్కు తోచని ప్రవాహానికి

ప్రాజెక్టై దిశా నిర్దేశం చేస్తారు వాళ్ళు

ఎన్నెన్నో జీవితాలకు

వెలుగులు పూయించే

సూర్య తేజ గురువులు వాళ్ళు

వాళ్ళిప్పుడు

సినిమాల కొంటె చేష్టలకి

నవ్వుల పాలౌతున్నారు

వాళ్ళిప్పుడు

ప్రజలముందు దోషులుగా

చిత్రీకరించబడుతున్నారు

కరుగుతున్న కాలగమనంలో

వేకువ కోడై మేల్కొల్పాల్సిన వాళ్ళు

యాప్ ల వెంట పరుగులు తీస్తున్నారు

చాక్ఫీస్ పట్టే కొనవేళ్ళు

కంప్యూటర్ నైపుణ్యం పై

ఉనికిని తెలియజేయాల్సి వస్తుంది

మేం దొంగలం కాదని

రాని నవ్వును తెచ్చుకొని

కెమెరా ముందు కళ్ళు కొట్టాలి వాళ్ళు

అసలు కంటే కొసరు పనులకే

ఉన్న సమయం చాలక

ఇంట్లోనూ పాఠశాలను కలవరిస్తుంటారు వాళ్ళు

.........................✍️ ఆవుల చక్రపాణి యాదవ్

9963350973

04 September 2024

RBI QUIZ COMPETITION

03 September 2024

గడ్డిపల్లి పాలిటెక్నిక్ కళాశాలలో మిగిలిన సీట్ల భర్తీకి దరఖాస్తుల ఆహ్వానం

శ్రీ కొండ లక్ష్మణ్ తెలంగాణ ఉద్యాన యూనివర్సిటీ పరిధిలో ఉన్నటువంటి డా. ఘంటా గోపాల్ రెడ్డి హార్టికల్చర్‌ పాలిటెక్నిక్, గడ్డిపల్లి గ్రామం, సూర్యాపేట జిల్లా నందుగల కళాశాలలో మిగిలినా సీట్ల భర్తీ కోసం దరఖాస్తులు స్వీకరిస్తున్నామని కళాశాల ప్రిన్సిపాల్, శ్రీ. బండి వేంకటేశ్వర రావు గారు తెలియజేశారు. *ఈ దరఖాస్తు చేసుకొదలచిన వారు* 10 వ తరగతి మార్క్స్ మెమో, కుల ధ్రువీకరణ పత్రము, ఆదాయ పత్రము దరఖాస్తు ఫారమ్ తో నేరుగా గడ్డిపల్లి లోని కళాశాలలో సమర్పించాలని తెలిపారు. ఇతర వివరాల కోసం కళాశాల యాజమాన్యాన్ని సంప్రదించవచ్చు. 9603268682, 9121557037 ,93981 66973,70751 20145.