గ్రూప్స్ పోటీ పరీక్షలకు ఉచిత శిక్షణ

గ్రూప్స్ పోటీ పరీక్షలకు ఉచిత శిక్షణ - ఈ నెల 20 లోగా దరఖాస్తు చేసుకోండి సిద్దిపేట ఎడ్యుకేషన్ , జూన్ 16: వివిధ పోటీ పరీక్షలకు ప్రిపేరయ్యే ఉమ్మడి మెదక్ జిల్లా అభ్యర్థులకు స్థానిక టీఎస్ ఎస్సి స్టడీ సర్కిల్ లో గ్రూప్ 1,2,3,4, ఎస్సై, కానిస్టేబుల్, ఎస్సెస్సి, ఆర్ ఆర్ బి తదితర పోటీ పరీక్షలకు ఉచితంగా ఐదున్నర నెలలపాటు ఫౌండేషన్ కోర్సు ద్వారా శిక్షణ ఇవ్వనున్నట్లు టీఎస్ స్టడీ సర్కిల్ డైరెక్టర్ శ్రీకాంత్ చెప్పారు. ఆదివారం స్థానిక ప్రభుత్వ డిగ్రీ కళాశాల అంబెడ్కర్ ఓపెన్ యూనివర్సిటీ సెంటర్ లో ప్రచారం నిర్వహించారు .ఈ సందర్భంగా ఆయన మాట్లాడారు .ఈ ఫౌండేషన్ కోర్సుకు బీసీ ,ఎస్సీ ,ఎస్టీ , మైనారిటీ విద్యార్థులు దరఖాస్తు చేసుకోవచ్చని చెప్పారు . ఏదైనా డిగ్రీ పూర్తి చేసిన అభ్యర్థులు ఈ నెల 20 వరకు ఆన్లైన్ ద్వారా దరఖాస్తులు స్వీకరిస్తున్నట్లు చెప్పారు. దరఖాస్తు చేసుకునే అభ్యర్థుల ఆదాయం 3 లక్షలు మించరాదని తెలిపారు. ఈ శిక్షణ కేంద్ర, రాష్ర్ట ప్రభుత్వ ఉద్యోగ నోటిఫికేషన్ లకు ఎంతగానో ఉపయోగపడుతుందని చెప్పారు. మహిళలకు 33 శాతం, వికలాంగులకు 5 శాతం రిజర్వేషన్ ఉంటుందని చెప్పారు. దరఖాస్తు చేసుకున్న అభ్యర్థులకు జూన్ 30 న సిద్దిపేట లో ఎంట్రెన్స్ పరీక్షను నిర్వహిస్తున్నట్లు చెప్పారు. ఎంట్రన్స్ పరీక్ష ద్వారా ఎంపిక చేయబడిన 100 మంది అభ్యర్థులకు జులై 15 నుంచి డిసెంబర్ 31 వరకు ఐదున్నర నెలల పాటు ఉచిత శిక్షణ ఇవ్వనున్నట్లు తెలిపారు. శిక్షణ కాలంలో శిక్షణ తో పాటు ఉచిత వసతి, భోజనం, హాస్టల్ వసతి కల్పించనున్నట్లు తెలిపారు. రు.2500 విలువగల స్టడీ మెటీరియల్స్ అందజేస్తామని చెప్పారు. ఆసక్తి ఉన్న అభ్యర్థులు దరఖాస్తు చేసుకోవాలని కోరారు. వివరాలకు వెబ్సైట్ www.tsscstudycircle.telangana.gov.in www.tsscstudycircle.telangana.gov.in  లో చూడాలని తెలిపారు. వివరాలకు ఫోన్ నెంబర్ 9182220112, 8686835282, 9553167760 లలో సంప్రదించాలని చెప్పారు .