TTD ఆధ్వర్యంలో నిర్వహిస్తున్న శ్రీవేంకటేశ్వర సంగీత, నృత్య కళాశాల, ఎస్వీ నాదస్వర డోలు పాఠశాలలో 2024-25 విద్యా సంవత్సరానికి గాను పలు రెగ్యులర్‌ కోర్సుల్లో ప్రవేశానికి ఈనెల 12వ తేదీ వరకు దరఖాస్తులు చేసుకోవచ్చు.

ఎస్వీ సంగీత, నృత్య కళాశాలలో గాత్రం, వయోలిన్‌, వీణ, ప్లూట్‌, నాదస్వరం, భరతనాట్యం, హరికథ, మృదంగం, డోలు, ఘటం వంటి విభాగాలలో కోర్సులు ఉన్నాయి. ఎస్వీ నాదస్వరం, డోలు పాఠశాలలో ఫుల్‌టైమ్‌ సర్టిఫికెట్‌ , డిప్లొమా కోర్సులు నిర్వహిస్తున్నారు. ఇతర ప్రాంతాల విద్యార్థులకు హాస్టల్‌ వసతి సౌకర్యం ఉంటుంది. ఆసక్తి గల వారు కళాశాలలో రూ.50 చెల్లించి దరఖాస్తు పొందవచ్చు. ఇతర వివరాలకు 0877-2264597, 7330811173, 9440793205 నంబర్లలో సంప్రదించవచ్చు.