అంబేద్కర్ ఓపెన్ యూనివర్సిటీ డిగ్రీ కోర్సులలో అడ్మిషన్ కు చివరి తేదీ 15 నవంబర్ 2024. డా. బి. ఆర్. అంబేద్కర్ సార్వత్రిక విశ్వవిద్యాలయం డిగ్రీ (బీ.ఏ/బీ.కాం/బీ.ఎస్సీ) కోర్సుల్లో చేరడానికి చివరి తేది 15 నవంబర్ 2024 అని ప్రభుత్వ డిగ్రీ కళాశాల, హయత్ నగర్, ప్రిన్సిపాల్(FAC) డాక్టర్. Ch.ప్రసాద్ గారు మరియు సహాయ కేంద్రం కో - ఆర్డినేటర్ డాక్టర్. ఎస్. నర్సయ్య గారు ఓ ప్రకటనలో తెలిపారు.

  ఆయా కోర్సుల్లో చేరడానికి, విద్యార్హతలు, ఫీజు తదితర వివరాలను website: www.braouonline.in లో పొందుపర్చినట్లు వెల్లడించారు. ఇంటర్మీడియెట్, నేషనల్ ఓపెన్ స్కూల్ సొసైటీ ద్వారా ఇంటర్ పూర్తి చేసిన వారు, తెలంగాణ ఓపెన్ ఇంటర్ పాస్ అయిన వారు, పాలిటెక్నిక్ రెండు సంవత్సరాల ఐటీఐ కోర్సులలో 2024 వరకు పాసైన విద్యార్థులు  నేరుగా డిగ్రీ కోర్సుల్లో అడ్మిషన్ పొందొచ్చని సూచించారు. తెలుగు మరియు ఇంగ్లీష్ మీడియం లలో చదవవచ్చునని తెలుపుతూ హయత్ నగర్ పరిసర ప్రాంతాలలో ఇంటర్ తత్సమాన అర్హత కలిగిన వారు,  ఈ అవకాశాన్ని సద్వినియోగం చేసుకోవాలని, అలాగే ద్వితీయ మరియు తృతీయ సంవత్సర విద్యార్థులు కోర్సు ఫీజు కూడా 15 నవంబర్ 2024 వరకు ఆన్లైన్లో  చెల్లించవచ్చని తెలిపారు. మరిన్ని వివరాలకు  7382929771 ఫోన్ నంబర్ ను  సంప్రదించవచ్చునని తెలియజేశారు.